طريق الحلم

مفيش حاجة فى الدنيا متقدرش تعملها مهما كنت شايفها صعبة أو مستحيلة عشان إنت " مبتفهمش " فيها , إنت مبتفهمش فيها عشان إنت متعبتش عشان تفهمها متعبتش عشان تتميز فيها متعبتش عشان تحققها , عارف ايه المشكلة فينا هى إننا بعد ما بنفشل فى أى حاجة بننسحب وبنقرر اننا مش هنحاول تانى , لكن لازم تبقى عارف انك لازم تفشل عشان تقدر تحقق حلمك , الأحلام مبتتحققش غير للى يستحقوها

لكن فى النهاية إنت عندك طريقين ملهمش تالت , يا ترضى باللى انت فيه وتفضل مكانك وتعيش الحياة اللى انت عايشها دلوقتى , وفى النهاية هتكبر والعمر يجرى بيك وتكتشف انك معملتش أى حاجة فى حياتك , أما الطريق التانى هو إنك تحاول وتشتغل وتتعب وتموت نفسك عشان تغير من حالك وتحقق حلمك وتعيش الحياة اللى إنت عايز تعيشها مش الحياة المفروضة عليك , وحتى لو فشلت فى النهاية إنك توصل للى كنت بتحلم بيه , هتبقى قدام نفسك مقتنع إنك عملت اللى عليك وهتبقى فخور بكل يوم تعبت فيه وكل محاولة قومت بيها حتى لو فشلت ...